Tekur á sig skítinn!!!

Alveg ótrúlegt að sjá þetta blessaða framapotaralið í Samfylkingunni. Þau haga sér alveg eins og Frjálslyndir gerðu. Þau tala bara eftir skoðanakönnunum og fjölmiðlum. Segja bara það sem fólk vill heyra og geta ekki staðið við eitt né neitt. Mér finnst þetta ekki ábyrgt af ríkisstjórnarflokki að vera með alla sýna menn og formanninn sjálfan þar í fararbroddi gasbrandi út um allt út og suður. Það er enginn festa né föst stefna hjá þessum flokki og fólk getur ekki gengið að neinu vísu með þau.

 Nú ráðast þau á Davíð sem er að taka allar óvinsældirnar á sig fyrir þau. Davíð gerir óþægilega en líklega nauðsynlega hluti og fær mikla ádeilur fyrir. Davíð þorir að framkvæma það sem þarf að gera en ekki það sem fjölmiðlar og útvalið listafólk gasprar út og suður.

 Annað merkilegt með þetta lið. Ingibjörg Sólrún, forsetinn, og stór hluti af þjóðinni vældu og skældu eins og þau gátu undna Davíð. Hann vildi setja á fjölmiðlalög og þau sögðu hann vilja knésetja Jón Ásgeir og félaga. En vitir menn, nú væla allir af því að Jón Ásgeir á alla fjölmiðlana og að það sárvanti fjölmiðlalög og hundskamma Davíð fyrir að hafa gert Jóni Ásgeiri að vaða svona uppi. Ég vara spyr hvað er að fólki.

 Öflugir menn eiga sér alltaf óvildarmenn!!!. Ég get ekki séð annað en að þessu fólki líði illa yfir því hversu klár Davíð er. En Davíð er ekki að fara í neinar kosningar og þarf engar vinsældir. Því trúi ég því að Davíð sé að hugsa málið til enda og eigi eftir að lenda á fótunum.  Oft hef ég látist leiðast í að missa alla trú á Davíð en þegar ég skoða þetta aftur í tímann þá hefur Davíð orðið svo óvinsæll aftur og aftur en oftast hefur komið á daginn að hann sá fram í tímann og hafði rétt fyrir sér.

Ég man líka eftir fjölda skipta sem Davíð kom í fjölmiðlum og í ræðupúlt alþingis og aðvaraði fólk. Þar sagði hann ef við íslenska þjóðin hættum ekki að eiða efni fram, skuldsetja okkur upp fyrir haus og hætta þessu kaupæði þá lendum við í miklum vandræðum. Verðbólgan eykst og ef fólk eyðir ekki í sparnað þá verður það gjaldþrota. Hvað er að gerast í dag þeir sem tóku þátt í þenslunni eru sárir í dag en hinir sem voru á jörðinni þeir finna ekki fyrir kreppunni því framalega sem þau halda vinnunni.

Ingibjörg segir Davíð skaða orðsporið

Athugasemdir

[nicejerk, 1.11.2008 kl. 12:06]

úff. Hvar hefur þú haldið þig undanfarið?

Svona bara til að rifja upp síðustu daga, þá kannski opnast hjá þér augun. Þetta eru bara stikk prufur, en það er af nógu að taka:

Robert Z. Aliber, professor emeritus við háskólann í Chicago, segir í grein í Morgunblaðinu í dag, að ríkisstjórn Íslands og seðlabanki séu engu hæfari sem stjórnendur nútíma hagkerfis en þau væru sem stjarnvísindamenn.

„Þau skildu ekki að uppsveifla íslenska hagkerfisins árin 2005 og 2006 byggðist á skuldasöfnun – lán voru tekin til þess að standa í skilum með önnur lán – og nú vita þau ekki hvernig unnt sé að ná jafnvægi aftur eftir að pappírsauðurinn er horfinn. Það er ólíklegt að nýir leiðtogar sem væru valdir af handahófi í símaskrá gætu valdið jafnmiklum efnahagslegum glundroða og núverandi stjórnvöld," segir Aliber.

Hann segir einnig, að ríkisstjórnin og seðlabankinn virðist ekki skilja af hverju Bandaríkin og önnur lönd hiki við að lána þeim peninga. Svarið sé einfalt þótt það hljómi ekki vel. Það beri enginn traust til núverandi ríkisstjórnar og seðlabanka; það treysti þeim enginn til þess að grípa til þeirra ráðstafana sem nauðsynlegar séu til þess að unnt verði að endurgreiða slík lán.

Ég bendi á að blogg Láru Hönnu hefur að geyma miklar heimildir yfir það sem gengið hefur á undanfarnar vikur. Alveg frábært hjá henni. En þar er einnig að finna "lög" frægra rappara á borð við Geir með slagarann “Well kept secret” og davíð súper rappari með slagarann "Útrásarsönginn".

Svo lengi lærir sem lifir.

Lifðu heill

[Fannar (IP-tala skráð) 1.11.2008 kl. 13:31]

Í fyrsta lagi þarf að breyta lögunum um seðlabankann.  Það er fáranlegt að vera með 3 bankastjóra og einhverja málamynda stjórn sem skipuð er einhverjum flokksdindlum.

Hvað Davíð varðar, þá er hann algjörlega vanhæfur til þes að gegna þessu embætti. Hann hefur ekki faglega þekkingu og er þar að auki ákaflega klaufalegur í sínum miður heppilegu yfirlýsingum í tíma og ótíma.

[Vilhjálmur Árnason, 2.11.2008 kl. 14:43]

Fannar ég get verið algjörlega sammála því að Seðlabankastjóri eigi alls ekki að vera bara einhver pólutíkus. Heldur á það að vera maður sem er virtur og sátt með meðal almennings. Einnig er aðalatriðið að hann hafi menntun og reynslu.

 Ein eins og staðan er í dag þá er Davíð með 2 aðra með sér. Hann hefur fjölda hagfræðinga og annars starfsfólks með sér þannig að ég sé ekki alveg að hann sé bara einhversstaðar einn að taka allar ákvarðanirnar með sína lögfræði hugsun. Þannig að það er nú fjarri að kenna honum einum um þetta allt því jú hann notar líklega sitt starfsfólk og meðstjórnendur sem eru allt menntarði hagfræði- og viðskiptafræðingar.

[nicejerk, 2.11.2008 kl. 17:18]

Þú veður algera villu Villuhjálmur! davíð hlustar á engann. Þú ættir að vita það. Hvaða ósköpa þvælu ertu að fara með hérna. Ertu enn blautur á bak við eyrun?

Fólk sem hópar sig í kring um "leiðtoga" endar oftast sem fíflin, því sjálfstæð hugsun er "tekin frá því" eða frekar, það er svo vitlaust að það hefur ekki haus til að hugsa sjálft. Í hvorum hópnum ert þú?

Hauslausi hópurinn hendir frá sér allri ábyrgð og gerist hópisti, þorir ekki að taka ábyrgð og felur sig á bak við "leiðtoga", sem oftar en ekki, er minna en ekkert og heftir lýðræðislega ábyrgð einstaklingsins.