Þora ekki að vera í ríkisstjórn

Það er alveg magnað hvað þau eru hrædd við að fara í ríkisstjórn í Vinstri grænum. Þau eru hrædd við að þurfa að svara fyrir sig. Þau eru búin að tuða í 20 ár og nú loksins þegar þau komast að þá vita þau ekki hvað þau eiga að gera. Þurfa að fá utan að komandi fólk til að sjá um skítverkin fyrir þau því þau eru svo hrædd við gagnrýni.

 Hins vegar er ég nokkuð ánægður með að sérfræðingar séu fengnir í þessi störf. En ráðherra ættu kannski bara almennt að vera duglegri við að nýta sér sérfræðinga í hverju máli fyrir sig og vera bara verkstjórinn sjálfur eins og þau vilja orða þetta í verðandi ríkisstjórn. Sérfræðingar getna nefnilega stundum verið of miklir sérfræðingar. Þau kannski vita og kunna ýmislegt en að stýra fólki og hugsa hagkvæmt tekst ekki alltaf hjá þeim.

Það er líka fyndið að sjá VG og Samfylk. rífast um kosningadaginn. VG vill kjósa áður en þau þurfa að svíkja of mikið og fylgið hrapar af þeim en Samfylkingin þarf að koma flokknum saman í eina heild áður en þau fara í kosningar því það á enginn eftir að hafa trú á flokknum svona miklum tætlum.

Tveir ráðherrar utan þings

Einar Kristinn á hrós skilið.

Einar Kristinn er maður vikunnar. Þetta var löngu þarft. Enda hann greinilega búinn að vinna mikið og lengi í að undirbúa þetta. Því þýðir ekkert að segja að hann hafa bara gert þetta allt í einu þarna.

 Þetta er nauðsynlegt fyrir þjóðarbúið og fiskstofnana okkar. Þótt við höfum verið að veiða hval síðan 2006 og komist reglulega í heimsfjölmiðlana fyrir það þá er aukning í hvalaskoðunum ár frá ári.

Einar er með öll leyfi og álit í lagi þannig að þetta er vel unnið og þarft verk. Ég skil ekki í þessum náttúruverndarsinnum sem eru á móti hvalveiðum þar sem einn hvalur með eitt líf drepur fleiri fleiri þúsundir lífa á dag? Hvernig má þetta vera?

Skagamenn vilja fund um hvalveiðar

Ingibjörg á villigötum

Ég vil benda á síðasta blogg mitt hér á undan. Það er erfitt að skilja Ingibjörgu þessa dagana.

Segir utanríkisráðherra vinna gegn ESB umsókn

Seinka kreppulokum

Ég óttast það mjög ef efnt verður til kosninga á þessu ári. Ég óttast að það muni ekki aðstoða okkur við að komast út úr kreppunni. Árið 2009 er mjög mikilvægt ár í að endurreisa íslenskt efnahagslíf og þjóðfélag. Kreppan er enn að aukast út í heimi og við Íslendingar erum rétt að átta okkur á því hvað gerst hefur og hvert stefnir.

 Ekki get ég séð að það hjálpi okkur að lama hið háa alþingi megnið af árinu 2009 með því að senda þingið í kosningabaráttu og allt það sem því fylgir. Það myndi þýða að stjórnkerfi Íslands myndi lamast á meðan mesta þörfin er fyrir það. Því held ég að við ættum að bíða í það minnsta til 2010 með alþingiskosningarnar.

Ingibjörg Sólrún og Steingrímur eru einungis að hugsa um eigin frama þegar þau eru að tala um að það þurfi að kjósa sem fyrst. Því jú þau vilja bæði verða forsætisráðherra þjóðarinnar til að fá þann titil í ferilskránna áður en þau hætta í stjórnmálum. Ef kosið yrði á þessu ári yrðu breytingarnar hvort er ekki meiri en það að annaðhvort Ingibjörg eða Geir og Samfylkingin eða Sjálfstæðisflokkurinn yrðu alltaf í nýrri ríkisstjórn ef ekki bæði.

Spillingin er innan allra flokkana. Mistökin eru allra í kreppunni, ríkisstjórnarinnar, allra stjórnmálaflokkanna, bankanna, útrásarvíkinganna, forsetans, almennings, seðlabankans, fjármálaeftirlitsins og lengi mætti áfram telja. Það er enginn einn sem ber ábyrgð á því sem gerst hefur og ég get ekki séð að allt bjargist og lagist með því að breyta þingmannatölu einstakra flokka.

Kosningar óumflýjanlegar

Ólafur rangar sleppur vel!!!

Það er augljóst að Ólafur Ragnar Grímsson er einn af auðmönnunum. Flestir þeir sem eru fremstir í fjölmiðlunum eru tengdir náið inn í Samfylkinguna sem varði Baugsveldið og fleiri auðkýfinga með Borgarnesræðunni og fleiru. Og nú eiga útrásarvíkingarnir fjölmiðlana þar sem Samfylkingargæðingarnir vinna.

 Já Ólafur Ragnar, Samfylkingin og fjölmiðlarnir gerðu allt til að koma höggi á Davíð Oddsson, þau nýttu m.a. fjölmiðlafrumvarpið í það. Nú getur þjóðin þakkað þeim fyrir að hafa stoppað allt sem Davíð kom nálagt og því sitjum við uppi með handónýta spillta fjölmiðla og útrásarvíkinga sem stjórna umræðunni.

 Þetta getum við þakkað fólkinu sem hefur ekkert annað markmið í pólitík en að væna alla andstæðinga sína um spillingu og koma höggi á Sjálfstæðisflokkinn og Davíð Oddsson.

 Og er það tilviljun að það er ekkert minnst á Ólaf Ragnar Grímsson þessa dagana eins og hann er nú búinn að bregðast sinni skyldu. Hann sagði nei við fjölmiðlalögunum (sem allir vilja hafa núna nema útrásarvíkingarnir), hann sat í einkaþotunum með útrásarvíkingunum og nú síðast og jafnframt það eina sem hann hefur sagt eftir að kreppan skall á að þjóðin þyrfti að standa saman og vera samhent. Þá gefur hann út bók áður en hann lætur af embætti forseta sem virkar eins og bensín á eldinn í að sundra þjóðinni enn frekar.

Já það er greinilegt að Sjálfstæðisflokkurinn er sá eini sem viðhefur spillingu í þessu þjóðfélagi það sjá það allir.

Íhugar málsókn gegn Kastljósi

Það er verið að þvinga okkur í Evrópusambandið

Það er alltaf meir og meir augljóst að það sé verið að þvinga okkur Íslendinga í Evrópusambandið (ESB). Bretarnir og Evrópubankinn vilja ekki lána okkur og einfaldlega sparka í okkur liggjandi. Þeir nota öll ráð til að gera ástandið hér verra. Þeim vantar okkur nefnilega sem fyrst inn í ESB til að veiða fiskinn okkar. Það hentar þeim betur að fá okkur inn í neyð því þá getum við ekki gert jafn miklar kröfur um að halda í fiskimiðin okkar.

 Við höfum séð hvernig ESB virkar. Það er ekki einu sinni hlustað á jafn stóra þjóð og Spánn er. Evrópusambandslöndin 27 ætluðu að reyna að koma með sameiginlegar ákvarðanir vegna fjármálakreppunnar. En það gekk ekki þar sem þeim náði engan veginn saman. Þá ákváðu fjórar stærstu þjóðirnar að hugsa bara um eigin rass og sendu þau skilaboð til hinna þjóðanna að þau þyrftu að bjarga sér sjálf. En vitir minn fjórar stærstu þjóðirnar náðu ekki einu sinni saman. Getið þið Ímyndað ykkur hvernig litla eyjan út í ballarhafi væri virt í þessu ESB. Guð forði okkur frá ESB.

 Einnig þýðir lítið að ræða þetta ESB núna í einhverjum flýti því við verðum að byggja upp fyrst áður en við komust þarna inn þannig að það er óþarfi að eyða púðri í þessa umræðu núna.

Hverjir eru duglegastir að hjálpa okkur núna. Jú Norðmennirnir. Af hverju ? Jú því þeir eru að hugsa um eigin rass einnig, sem er að vísu gott fyrir okkur. Þeir sjá hversu hörmulegt ESB er. Þeir hafa sameiginlega hagsmuni með Ísandi því þeir hafa fiskimið til að vernda eins og við. Og ef við færum þarna inn þá liti það illa út fyrir þá sem stæðu þá einir fyrir utan sambandið af norðurlöndunum. Því ættum við bara að tengja okkur við norsku krónuna og byggja upp nýtt Ísland. Koma málunum í lag. Svo getum við séð ástandið á ESB. Kannski verður það bara búið að liðast í sundur þar sem þjóðirnar eiga erfitt með að ná saman.

Við hættum frekar við lánið

Loksins eitthvað jákvætt!!!

Ég er búinn að bíða eftir svona frétt lengi. Að einhver finnur það jákvæða í kreppunni og fer að tala um uppbygginguna en ekki hvað allt er svart. Mér hefur oft litist vel á það sem þessu maður hefur fram að færa en hvað þá núna.

 Kreppan er ekki alveg eins slæm og fólk vill af láta. Áður en allar fjöldauppsagnirnar fóru að hellast  yfir okkur þá gat ég nú bara fundist þessi kreppa jákvæð. Hvað þá eftir að peningamarkaðssjóðirnir fóru að skila sér til baka til fólks. Meira að segja hluti af ávöxtuninni líka. Því ég held að flest eldra fólkið sem var með sparnaðinn sinn annarsstaðar en inn á venjulegum bankareikningum hafi haft hann í peningamarkaðssjóðum þannig að þau ættu ekki að hafa tapað neinu nema þá ávöxtunin á peningunum.

 Ég sjálfur var að hugsa þetta þá kom í ljós að ég var með 330.000 í peningamarkaðssjóð sem var hugsanlega glatað. Og svo hugsaði ég lengra. Þá komst ég að því að hafði nýtt góðærið í að stofna fyrirtæki selja það aftur, kaupa mér íbúð og selja hana aftur og fyrir mismuninn gat ég keypt mér einbýlishús sem ég á núna 8 milljónir í. Ef t.d. V.G hefði verið við stjórnvölin allan tímann þá hefði ekki orðið þetta góðæri og ég ætti ekki 8 milljónir í húsinu mínu. Þó ég hefði tapað 330.000 krónunum þá er það ekkert á móti hinu. En svo fékk ég 85% af peningunum til baka þannig að eftir stendur, ég lærði að fara varlega í fjármálum, lærði að meta það sem ég hef og passa mig á því að hafa sparnaðinn minn dreifðan og ekki í hlutabréfum nema ég sé tilbúinn til að tapa því. Einnig ætla ég núna að fara í að vinna hratt niður skuldirnar mínar með því að greiða inn á höfuðstólinn og spara peninga til að eiga fyrir framkvæmdum mínum.

 Þetta er holt fyrir alla að læra. Það held ég að þessi kreppa hafi gert, kennt fólki og komið íslensku þjóðinni aftur niður á fæturna. Þeir sem eru reiðastir það eru þeir sem tóku þátt í eyðslufylliríinu og eru í fráhvörfum og líður illa yfir að geta ekki haldið áfram í að svala fíkn sinni að eyða peningum sem þeir eiga ekki.

Ég átta mig alveg á því að þessar 8 millur sem ég talaði um áðan eru aðeins að minka í verðbólgunni en ekkert miðað við hvernig þær urðu til. Nú sér fólk hvað það er mikilvægt að hafa vinnu og standa sig í vinnu til að fyrirtækin gangi vel svo þau munu alltaf halda vinnunni. Það kreppir að hjá mörgum en ég held ekki það mikið miðað við hvað þau voru búin að hafa það gott undanfarin ár. Ef þetta góðæri hefði ekki verið þá hefðu margir verið búnir að vera í miklu basli að undanförnu og samt hefði komið einhver kreppa núna en kannski í minna mæli og þá hefði þetta samt orðið mjög erfitt fyrir fólk.

 Nú hvet ég sem flesta að fara að ræða um það jákvæða í þessu. Einnig að koma með hugmyndir hvernig við getum nýtt okkur kreppuna til uppbyggingar og hvernig við sjáum framtíðina. Tökum lærdóminn út úr fortíðinni og gleymum hinum sem allra fyrst.

Mikilvægt að hugsa hlutina upp á nýtt

Takk fyrir leikinn!

Já það var sko ekki leiðinlegt að skella sér í Ljónagryfjuna og sjá sína stráka stela einum sigri þar af sínum gamla þjálfara. Maður trúði ekki alveg sínum eigin augum alltaf þegar Tindastólsmenn voru að hitta vel á köflum úr þriggja stiga skotunum taka öll fráköst og berjast í vörninni á meðan Njarðvíkingar skutu og skutu og ekkert ofan í ekkert gekk upp.

 Vonandi á þetta eftir að ganga svona vel hjá Stólunum út tímabilið. Þeir eiga það svo sannarlega skilið. Því jú þetta hefur svo oft verið baráttu hjá landsbyggðarliðunum að halda saman leikmanna hóp og fá styrki. En þar sem engin þensla var á Króknum þá er heldur engin Kreppa þar.

 Til hamingju strákar. Áfram Tindastóll!!!

Tindastóll sótti sigur til Njarðvíkur

Blammeringar Ingibjargar

Eftirfarandi færslu skrifaði ég sem svar við umræðum á bloggi Dofra Hermannssonar, http://dofri.blog.is/blog/dofri/entry/695491/#comments . En þar höfðu spunnist miklar umræður um hugsanlegan formannaslaga í Sjálfstæðisflokknum og fleira.

 

Ég skil hana Ingibjörgu ekki. Samstarf Geirs og Björgvins G gekk mjög vel og virtist þá ríkisstjórnin vera að vinna að heilindum og nutu þeir mikils trausts og virðingar þegar óveðrið hófst. Allir hafa talað um mikla samstöðu þurfi við núverandi ástand. En vitir menn Ingibjörg kemur til baka úr veikindum og allt verður brjálað. Flestir þingmenn Samfylkingarinnar tala í sitthvora áttina og reyna allt til að koma höggi á samstarfsflokkinn og Ingibjörg fer þar fremst í flokki.

 Ekki get ég séð að Ingibjörg og hennar lærisveinar séu að fara eftir því sem þau voru að reyna að boða með því að segja að allir eigi að standa saman.

 Einnig hefur það vakið athygli að Björgvin G hefur ekki mikið sést eftir að Ingibjörg kom til baka. Sem bendir til þess að Ingibjörg og hennar jámenn hafa ekki getað liðið það hvað þetta gekk vel hjá Geir og Björgvini. Þau hafa ekki þolað að sjá hvað Björgvin G var að koma sterkur út úr þessu og því slökkt í honum og höggva svo í Sjálfstæðisflokkinn því þau hafa haldið að hann væri að sleppa of vel út úr þessu.

Skondið að sjá svo þessa samfylkingarkálfa koma hér og reyna að breiða yfir þessa fáránlegu blammeringar Ingibjargar í garð Geirs með því að kenna Bjarna Ben um allt saman. Þetta er nú eins barnalegt og hægt er.

 Samfylkingin er ekkert annað en stefnulaus framapotara flokkur.

Kjarklaus Samfylking

Þetta er nákvæmlega það sem ég var að tala um í síðasta bloggi mínu. Samfylkingin er ekkert nema kjarklaus framapotara flokkur. Allir segja sitthvora söguna og eitthvað óþægilegt kemur upp á þá segja þau bara það sem er vinsælt í fjölmiðlana. Þau þora ekki að standa á neinu og taka erfiðar ákvarðanir. ER HÆGT AÐ TREYSTA ÞANNIG FÓLKI?.

 Ég er viss um að Davíð verði í Seðlabankanum í nokkra mánuði í viðbót, eða þangað til að málin róast þar. Síðan semur hann og Geir um að hann stígi til hliðar og þá tjáir Sjálfstæðisflokkurinn og Davíð sig um málið. Í stað þess að koma með óábyrgar yfirlýsingar núna. Þægilegt fyrir Ingibjörgu að koma núna og benda á mistök annarra þar sem hún því miður gat ekki tekið  þátt í þessu öllu saman.

 Það var leiðinlegt að Ingibjörg skyldi veikjast svona. En hún ætti að passa sig á því að vera að dæma mistök þeirra sem voru að leysa hana af í veikindunum. Hún hefði mögulega gert eitthvað af þessum mistökum sjálf.

Samfylking afneitar Davíð