Tekur á sig skítinn!!!

Alveg ótrúlegt að sjá þetta blessaða framapotaralið í Samfylkingunni. Þau haga sér alveg eins og Frjálslyndir gerðu. Þau tala bara eftir skoðanakönnunum og fjölmiðlum. Segja bara það sem fólk vill heyra og geta ekki staðið við eitt né neitt. Mér finnst þetta ekki ábyrgt af ríkisstjórnarflokki að vera með alla sýna menn og formanninn sjálfan þar í fararbroddi gasbrandi út um allt út og suður. Það er enginn festa né föst stefna hjá þessum flokki og fólk getur ekki gengið að neinu vísu með þau.

 Nú ráðast þau á Davíð sem er að taka allar óvinsældirnar á sig fyrir þau. Davíð gerir óþægilega en líklega nauðsynlega hluti og fær mikla ádeilur fyrir. Davíð þorir að framkvæma það sem þarf að gera en ekki það sem fjölmiðlar og útvalið listafólk gasprar út og suður.

 Annað merkilegt með þetta lið. Ingibjörg Sólrún, forsetinn, og stór hluti af þjóðinni vældu og skældu eins og þau gátu undna Davíð. Hann vildi setja á fjölmiðlalög og þau sögðu hann vilja knésetja Jón Ásgeir og félaga. En vitir menn, nú væla allir af því að Jón Ásgeir á alla fjölmiðlana og að það sárvanti fjölmiðlalög og hundskamma Davíð fyrir að hafa gert Jóni Ásgeiri að vaða svona uppi. Ég vara spyr hvað er að fólki.

 Öflugir menn eiga sér alltaf óvildarmenn!!!. Ég get ekki séð annað en að þessu fólki líði illa yfir því hversu klár Davíð er. En Davíð er ekki að fara í neinar kosningar og þarf engar vinsældir. Því trúi ég því að Davíð sé að hugsa málið til enda og eigi eftir að lenda á fótunum.  Oft hef ég látist leiðast í að missa alla trú á Davíð en þegar ég skoða þetta aftur í tímann þá hefur Davíð orðið svo óvinsæll aftur og aftur en oftast hefur komið á daginn að hann sá fram í tímann og hafði rétt fyrir sér.

Ég man líka eftir fjölda skipta sem Davíð kom í fjölmiðlum og í ræðupúlt alþingis og aðvaraði fólk. Þar sagði hann ef við íslenska þjóðin hættum ekki að eiða efni fram, skuldsetja okkur upp fyrir haus og hætta þessu kaupæði þá lendum við í miklum vandræðum. Verðbólgan eykst og ef fólk eyðir ekki í sparnað þá verður það gjaldþrota. Hvað er að gerast í dag þeir sem tóku þátt í þenslunni eru sárir í dag en hinir sem voru á jörðinni þeir finna ekki fyrir kreppunni því framalega sem þau halda vinnunni.

Ingibjörg segir Davíð skaða orðsporið

Góð yfirlýsing

Já þetta var þarft að koma með svona yfirlýsingu. Ég er orðinn langþreyttur á því hvað fjölmiðlar hér heima eru alltaf neikvæðir og ekki skánar það núna í þeim aðstæðum sem eru í þjóðfélaginu í dag. Ég hef tekið aðeins þátt í félagsstörfum og oft reynt að fá fjölmiðlabirtingu af því sem þar hefur verið að gerast en sjaldan hefur það talist nógu neikvætt svo þeir séu til í að birta það. En um leið og það er eitthvað í æsifréttastíl og neikvætt þá hafa þeir verið til í að birta það um leið.

Reyndar hef ég tekið eftir því að þeir á RÚV hafa verið að reyna að bæta sig í þessu og kalla oft eftir jákvæðum fréttum í fréttatíma sínum sem er jákvætt.

 Ekki er það hinsvegar til að bæta ástandið hversu slakur fréttaflutningur og undirbúningur hjá 365 miðlum er. Maður hlustar á Gissur á morgnanna og þar útskýrir hann fréttirnar ágætlega og leitast við að afla sér sem mestar upplýsingar. En þar sem hann er bara einn að vesenast í því þá nær það eins og langt og það nær. En það sem verra er að þessar sömu fréttir eru birtar allan daginn og enginn leggur sig fram við að bæta við þær. T.d. er Stöð 2 með sjónvarpsfréttir og þar eru fréttirnar hans Gissurar fluttar og lítið meir. Svo skiptir maður yfir á Rúv útvarpsfréttirnar og þar eru fréttirnar mun fleiri og betur unnar.

 En ekki meir af neikvæðni frá mér í bili. Ég ætti að fara að finna eitthvað jákvætt að segja frá ;) (nennir bara enginn að lesa það)

Hvetja til aðgátar í umræðu

Takk fyrir samstarfið

Þá er Jóhann horfinn á brott. Ég vil þakka honum kærlega fyrir samstarfið en undir hans stjórn var ánægjulegt að starfa. Vonandi á íslenska löggæslan eftir að fá að njóta starfskrafta hans á ný. Við þurfum nokkur eintök eins og Jóhann inn í löggæsluna.

Við horfum samt fram á jákvæða tíma hér á Suðurnesjum. Þeir sem eftir eru í yfirstjórninni og unnu náið með Jóhanni viðhöfðu hans stjórnunarhætti og koma vonandi til með að gera svo áfram. Ný yfirstjórn hefur verið ráðin í að koma og halda áfram að efla löggæsluna hér og trúum við og treystum að svo verði.

Djúpt snortinn og þakklátur

Þetta verður fróðlegt

Já það verður gaman að fylgjast með hvernig körfuboltinn fer af stað í vetur. Margir farnir að óttast að þetta verði bara barátta á milli Grindavíkur og KR. En vonandi verða fleiri góð lið og aldrei að vita nema að þessi vetur eigi eftir að lyfta íslenska körfuboltanum á hærra plan. Hver veit?

Njarðvík átti ekki í vandræðum með Blika

Gamli andinn

Já það ætla ég rétt að vona að gamli andinn fylgi með í nýjan Staðarskála. Nú bíður maður spenntur eftir næstu norðurferð og stoppar að sjálfsögðu í Staðarskála:) Til hamingju landsmenn með nýjan Staðarskála og nýja framkvæmd í hinu íslenska vegakerfi.

Gamli Staðarskálaandinn fylgir

Þvaður sem tekur engan enda

Ég get nú ekki annað sagt en að maður sé orðinn frekar uppgefinn á þessu ástandi og bara þessu öllu saman. Það var skrítin tilfinning í vinnunni í dag. Allir mjög niðurlútir og enginn vissi hvað koma skal en voru mjög svekktir, reiðir, slegnir, áhyggjufullir og það allt saman yfir staðreyndum síðustu daga.

 Eitt finnst mér bagalegt, það er hvað Björn Bjarnason er lítið spurður út úr ýmsum punktum. Hann svarar alltaf strax sama svarinu sem er fjarri því sem spurt er um en svo er spurningin ekkert ítrekuð þó svo að hann svari bara hverju sem er.

T.d. þetta að Jóhanni hafi verið gefin upp sú ástæða fyrir að auglýsa ætti embættið, á fundi í ráðuneytinu með skrifstofustjóra löggæslumála, sú að það væri vægasta úrræði vegna þess hvernig væri komið fyrir embættinu fjárhagslega. En svo les Jóhann það í Fréttablaðinu 10 dögum síðar að ástæðan sé sú sem Björn heldur alltaf fram í fjölmiðlum að embættið hafi breyst svo mikið og að lögreglustjórinn hafi lækkað í launum.

Því er Björn ekki inntur ítrekað eftir þessu þarna standast ekki rök hans þar sem sitthvor skýringin er komin. Einnig hefur ég ekki séð embætti annarra sýslumanna auglýst eftir að þeir urðu ekki lengur tollstjórar í sínum umdæmum eftir að tollaumdæmunum var fækkað. Svo við minnumst nú ekki á þau sýslumannsembætti sem hafa fengið aukin verkefni og svo ríkislögreglustjóraembættið sem hefur tekið breytingum með sífellum lagabreytingum á alþingi eins og er að gerast á Suðurnesjum núna. Eini munur sem Björn segir að sé á milli þessara breytinga að Jóhann sé ekki lengur sýslumaður og hafi því lækkað í launum. Lækkuðu hinir sýslumennirnir ekkert í launum þegar þeir voru ekki lengur tollstjórar og hvernig er með embætti sýslumannanna í Kópavogi, Hafnarfirði, Keflavík og fleira þar sem er búið að sameina lögregluembættin og þeir því ekki lengur lögreglustjórar heldur eingöngu sýslumenn?.

 Einnig kemur Björn alltaf bara með hluta af sannleikanum eins og hentar. T.d. í Kastljósinu í kvöld sagði hann að embættið hefði aðeins orðið fyrir 40 millljóna tapi vegna brotthvarfs varnaliðsins, en staðreyndin er sú að það eru 40 milljónir á ári sem þíðir 40 mill 2008, 40 mill 2007 og 40 mill 2006 sem gera samanlagt 120 mill af um 220 mill rekstrarhalla. Einnig get ég ímyndað mér að stöðugildin 10 sem honum var lofað að ráða í en svo svikinn um peninga kosti um 60 - 70 mill á ári.

En ekki má gleyma því að Björn notar Ríkisendurskoðun óspart til að rökstyðja sitt mál. En þegar Jóhann nefnir það að ríkisendurskoðun hafi aftur og aftur sagt að embættið sé vel rekið og eina leiðin til að reka það í óbreyttri mynd sé að fá yfir 300 millur annars þyrfti að segja upp. Ráðuneytið hefur ekki gefið leyfi fyrir uppsögnum en samt vill það ekki muna eftir þessum viðurkenningum ríkisendurskoðunar á reksturinn hjá Jóhanni og félögum.

 Ég bið fjölmiðla um að vera ákveðnari í þessum spurningum. Ég vona að alþjóð lesi í gegnum þetta allt saman og átti sig á því hver er að segja satt og hver ekki. Þetta er allt saman leiðinlegt mál sem endar vonandi sem fyrst.

Mulið undir Ríkislögreglustjóra

Sitja ekki allir við sama borð?

Ég held að ég fari rétt með að ríkislögreglustjóri hafi fengið endurnýjaða 5 ára skipun s.l. ár. Mér þykir skrítið að embætti ríkislögreglustjóra hafi ekki verið auglýst þá, þar sem embætti ríkislögreglustjóra hefur tekið stakkaskiptum síðan núverandi ríkislögreglustjóri tók við því. Búið er að bæta sérsveitinni, almannavörnum, fjarskiptamiðstöðinni, alþjóðadeildinni og greiningardeild við embættið síðan það var stofnað en samt aldrei ríkislögreglustjóraembættið auglýst aftur?Gaman væri að heyra svör Björns Bjarnasonar við því, gleymdi hann kannski að tilkynna Haraldi það með 6 mánaða fyrirvara?

Áfall!!!

Þetta er mikið áfall fyrir embættið. Ég sem starfsmaður Jóhanns er mjög sleginn yfir því að lesa þessa frétt. Því miður hefur maður orðið var við að þetta væri að gerast en vildi aldrei trúa því að þetta væri að gerast. En samkvæmt þessu þá er þetta að gerast. Ég hefði talið það skynsamlegt af Birni Bjarnasyni að senda prest til starfsmanna Jóhanns til að tilkynna þessi hörmulegu tíðindi.

 Jóhann hefur þá hæfileika að skilja þarfir starfsfólksins og veit hvernig á að reka svona embætti til að starfsmenn séu ánægðir og nái í framhaldi af því góðum árangri. Hann kann að fá fólk til að vinna fyrir sig og er það stór þáttur í því hversu stórum árangir embættið er að ná. Allir starfsmenn embættisins hafa lagt mikla vinnu á sig til að ná þessum árangri þrátt fyrir þetta fjársvelti, það hefur verið klippt af okkar aðbúnaði og launum til þess að láta embættið halda sjó og þetta eru þakkirnar sem við fáum.

Vissulega getur komið maður í mans stað. En nú vitum við hvað við höfum góðan mann í brúnni en við vitum ekki hvað við munum fá í staðinn. En því miður virðast vera nokkrir yfirmenn ráðnir í stofnanir dómsmálaráðuneytisins sem sýna ekki starfsfólki sínu sama skilning og Jóhann gerir, því óttumst við framhaldið.

 Ég á erfitt með að átta mig á hvað er að gerast. Af hverju þarf að breyta um kall í brúnni þegar vel gengur, af hverju má ekki hlusta á okkur starfsfólkið, af hverju þarf að standa frammi fyrir framþróun innan lögreglunnar með sífellu svona rugli. Við vitum það öll að framúrkeyrsla úr fjárframlögum er ekki ástæðan fyrir þessu. Því eins og embættið á Suðurnesjum er rekið núna er Jóhann að spara lögreglunni um 400 milljónir með því að samreka embætti tollsins og öryggisgæslunnar. Flestir lögreglustjórar á landinu þurfa að fara framúr fjárheimildum og ekki hef ég séð svona að þeim vegið.

Ef Jóhann hefði fengið þær fjárheimildir til að reka embættið á Suðurnesjum sem hann hefði þurft til að standa við loforð Björns Bjarnasonar við sameiningu löggæsluembættanna á Suðurnesjum þá hefði miklu miklu miklu meira verið búið að gerast í löggæslumálum þar. En Björn lofar öllu fögru og rekur svo Jóhann fyrir að gera helling af því með enga peninga á milli handana. Embættið á Suðurnesjum eru marg oft rökstutt af hverju það fór svona fram úr fjárheimildum og það hefur verið dómsmálaráðuneytinu ljóst frá upphafi og ekki komu áminningarnar þá. Þannig það er augljóst að þetta er sviðsett leikrit.

 Lögreglumenn eru í sinni kjarabaráttu núna. Launin og kjör hafa ekki verið í samræmi við það starf og fórn sem starfsmenn lögreglu eru að láta af hendi og lögreglumenn langþreyttir á þessu ástandi. Einnig eru þeir þreyttir á því að þurfa að leggja mikið meira á sig hver og einn vegna fjárhagsvanda embættanna. Þeir fá það að launum að sá sem stendur einna mest með þeim er hrakinn á brott úr stéttinni. Mig langar að gráta.

Skipt um lögreglustjóra

Enn einn meirihlutinn

Já vandræðin halda áfram í borginni. Þetta hlítur að vera frekar erfitt fyrir alla þá sem standa í þessu, því þetta hlýtur að taka mjög andlega á. Ekki nema 300.000 mans að fylgjast með þessum vandamálum.

 Ég velti því fyrir mér hvort Sjálfstæðismenn voru ekki of fljótir að taka við Ólafi F þegar hann varð óánægður innan Tjarnarkvartedsins. Því þá hefði það komið fram í dagsljósið fljótlega. Einnig hefði núverandi staða komið fram í dagsljósið að Óskar Bergsson hefði ekki heldur fundið sig innan sjálfselskunnar í Samfylkingunni og Svandísi Svavarsdóttur.

Þá hefði þetta orðið mun auðveldara fyrir Sjálfstæðisflokkinn að semja við annan hvorn aðilann eða báða og verið í lykilaðstöðu. En vegna þessarar fljótfærni þá snérist umræðan öll á móti Sjálfstæðisflokknum og sæti læknirinn fékk alla athyglina og varð dáður.

Verst þykir mér að Dagur hefur fengið alla þessa góðu og þægilegu umfjöllun frá fjölmiðlum sem hefur skapað honum mikinn meðbyr án þess að segja orð um það fyrir hvað hann stendur.

 Hann getur haldið langar ræður um hvað Ólafur F. og Villi Vill eru leiðinlegir og dónalegir af því að þeir stálu borgarstjórastólnum af honum. En aldrei þarf hann að segja frá því fyrir hverju hann stóð, hvað gerði hann sem borgarstjóri, fyrir hvað stóð Tjarnarkvartedinn og akkuru er Dagur og hans lið svona miklu betri en hin. Þetta hef ég aldrei heyrt Dag skýra frá né séð nokkurn fjölmiðil leita eftir því hjá honum.

 Vonandi kemur festa í borgarstjórnina núna. Ef maður leitar af jákvæðum punkti í þessu ef þetta verður raunin, meirihlutasamstarf Sjálfstæðisflokks og Framsóknarfloks. Þá eru jákvæðu punktarnir þeir að sama fólkið hefur verið meirihluta kjörtímabilsins við völd.

Enginn ísbjörn

Ferðalagið norður í land gekk ágætlega. Við hittum engan ísbjörn og þurftum því ekki að búa til neitt fjölmiðlafár né stressa umhverfisherinn upp.

Hinsvegar náði ég kasta aðeins út með veiðistönginni og veiddi einn urriða. Urriðinn bragðaðist mjög vel og rann ljúft niður, soðinn með íslenskum kartöflum.